ხანდაზმულ ქალთა ასოციაცია „ღირსეული სიბერე“, ევროკავშირის მიერ დაფინანსებული საგრანტო პროექტის „ხანდაზმულთა რესურს ცენტრი“ ფარგლებში აცხადებს კონკურსს კვლევის ჩატარებაზე.

კვლევის მიზნებია:

1. ხანდაზმულთა დასაქმების პერსპექტივების განსაზღვრა ქობულეთის მუნიციპალიტეტში;

2. მსხვილი და საშუალო ბიზნეს ორგანიზაციების თანამშრომლობის პერსპექტივების შეფასება ხანდაზმულთა მცირეკაპიტალიან ბიზნეს ორგანიზაციებთან  ქობულეთის მუნიციპალიტეტში;

3. მსხვილი და საშუალო ბიზნეს ორგანიზაციების მიერ წარმოების/მომსახურების ცალკეული კომპონენტების აუთსორსინგზე გატანის პერსპექტივების შეფასება.

კონკურსში მონაწილეობის მსურველებმა უნდა წარმოადგინონ შესაბამისი განაცხადი.

განაცხადი უნდა მოიცავდეს: 

• ინფორმაციას განმცხადებლის (ორგანიზაცია/მკვლევართა ჯგუფი) შესახებ (ორგანიზაციის/მკვლევარის სახელი, საკონტაქტო ტელეფონი, ელ. ფოსტა);
• ბოლო 3 წლის განმავლობაში ჩატარებული კვლევების ჩამონათვალს და ბმულებს კვლევის ანგარიშებზე;
• კვლევის კონცეფციას - მეთოდოლოგიის დეტალური აღწერას, ვადებს, დეტალურ ბიუჯეტს ლარში, საბოლოო ანგარიშის სტრუქტურას.

კონკურსის პირველი ეტაპის შედეგად შერჩეულ კანდიდატებთან ჩატარდება დამატებითი გასაუბრება.

განაცხადები მიიღება 2013 წლის 3 ნოემბრამდე.