ოჯახში ძალადობის წინააღმდეგ მიმართული საინფორმაციო კამპანია გრძელდება. ასოციაცია „ღირსეული სიბერის“ წარმომადგენლებმა პლაკატები განათავსეს შემდეგ სოფლებში: ალამბარი, მუხაესტატე და ზენითი. ,,ნუ იქნები ჩუმად, დარეკე!”- აქციაში ადგილობრივებიც აქტიურად ჩაერთენ. კამპანიის შესახებ სოფლის მკვიდრებს დეტალური ინფორმაცია ორგანიზაციის თანამშრომლებმა მიაწოდეს. დარიგდა საინფორმაციო ფლაერები. აქტივობა ევროკავშირის დაფინანსებული კოალიციური პროექტის ,,ხანდაზმულთა უფლებების დაცვის ხელშეწყობისა და სოციალურ-ეკონომიკური გაძლიერების კამპანია აჭარის რეგიონში“ ფარგლებში ხორცილედება. პროექტის პარტნიორებია დემოკრატიის ინსტიტუტი და გურიის აგრობიზნესცენტრი.